«بیرلیک یولی – راه وحدت» سیاسی جریانی، ملی مسئولیت حسی و مملکت نینگ هذرگی شرایطی نینگ حساسلیگی نی توشینیب، برچه هممیهنانیمیز نینگ ایلتفاتی گه ایتکزه دی که، محترم ارکان حرب برکتالله وطنیار بو جریان نینگ رسمی سخنگوسی سیفتیده تعیین قیلینگن و تنیشتیریلگن دور.
مملکت چقور بحران سری گه قاراب حرکت قیله یاتگن و خلق ترلی سیاسی، اجتماعی و انسانی چالشلر بیلن یوزمهیوز کیلگن شرایطده، «بیرلیک یولی» رهبریتی خبر تارقتیش صحهسیده انسجام، همآهنگلیک و کوچلی حضور نی تأمین قیلیش مقصدی ده، آگاه، تجربهلی و بحرانی وضعیت بیلن تنیش کیشی نی بو محم مسئولیت اوچون تنلش گه قرار قیلدی.
بو جریان نینگ رهبریتی ایشانه دیر که محترم ارکان حرب برکتالله وطنیار اوز ملی تعهدی، مملکت وضعیتی نی چقور توشینیشی و میدانی واقعلیکلر نی بیلیشی بیلن، «بیرلیک یولی» نینگ پیغاملری، موضعلری و نظرلری نی مسئولیتلی، شفاف و سمرهلی شکلده اکس ایتیریب بیره آله دی.
«بیرلیک یولی – راه وحدت» جریانی امید قیله دی که ایشان، افغانستان نینگ مظلوم، محروم و عدالت ایستهگن خلقی نینگ آوازی سیفتیده، شهروندلر نینگ مشروع تلبلری و کوتولیشلری نی اکس ایتیریش ده قدرلی و شایستهلی رول اوینایدی.
بو جریان نینگ رهبریتی شو قرار نی بیرلیک نی مستحکم لش، سیاسی انسجام نی کوچ یتیریش و رسانهای حضور نی توسعه قیلیش یولیده محم قدم سیفتیده باها لیدی و محترم ارکان حرب برکتالله وطنیار گه شو خطیر مسئولیت نی بجاریش ده مووفقیت و سربلندلیک تیلیدی.
بیرلیک یولی – راه وحدت» سیاسی جریانی رهبریتی ۲۵ مای ۲۰۲۵